這是三幕劇第二幕的變奏版, 未觀看原版的版友,請先瀏覽 ” 閙情緒：前言及互動劇場”。

第二幕角色轉換（如果你是B媽媽）

奇奇：我要…我要…

媽媽：呢個咩黎架?

奇奇：這是最新的G4超能俠呀！太空金屬，十萬匹馬力，是最好打架! 同學一定未有

            呀！

媽媽：又真係好靚喎，G4呀，G係唔係great偉大果個G呀！

奇奇：乜吾係girl咩，D人成日講G for girl原來唔係呀！好嘢G唔係女仔，我都話啦！

媽媽：同一個G可以有好多唔同理解架嘛！這個公仔又真係設計得幾好喎…

奇奇：你都話係呢！乜唔係無鬼用吾好買咩?其他媽媽都係咁講呀！…咁買啦！

媽媽：點會呀！設計得咁好！只不過媽媽唔夠錢買呢個玩具啦！不如咁啦…媽媽儲 

                錢，每月五十元啦！三幾個月後就得啦！

奇奇：真嘅？三個…月！

媽媽：我地用眼透過玻璃欣賞下先啦！重有呀！你要向媽媽講對唔住呀。

奇奇：媽媽，對唔住！

媽媽：媽媽最鐘意會道歉的小朋友架啦！重有呀！我地可以去灣仔玩具街，果邊可

                能重平D呢！

媽媽堅決沒有在奇奇扭計下買超能俠，但過了一段時間在奇奇也忘記了這事後，媽媽就自行送上超能俠作禮物，只有唯一原因就是母親的愛。

奇奇：我地一齊玩呀！

媽媽：好呀!你要愛惜超能俠喎，知道嗎？媽媽最鐘意珍惜玩具嘅小朋友啦！

奇奇：知道，多謝，媽咪！

*你在實際生活中，有沒有經歷過類似情況? 可以和大家分享一下嗎？

請繼續瀏覽第三幕變奏版, 然後發帖一起討論。