這是四幕劇第一幕的變奏版, 未觀看原版的版友,請先瀏覽 ”性教育-幼兒篇: 前言及互動劇場”。

角色交換：

夏日沙灘上，三歲的哥哥聰仔鬧情緒要跟表哥一起到更衣室換游泳衣，因為表哥譏笑他不是男仔。

聰仔：表哥走得鬼咁快，吾等我呀！我吾制呀！

媽媽：係呀，等一陣，媽媽同你一起追佢地，好吾好？

聰仔：表哥重話我玩公仔，正乸型呀，

媽媽：公仔係你嘅好朋友喎！同朋友玩好應該呀，係啦，你知吾知乜叫乸型呀！

聰仔：梗知啦，女人型囉！我大個啦，我明架！

媽媽：媽媽都係女人囉，吾好咩！

聰仔：你吾同架，我大個啦，我要追表哥去更衣室呀！

媽媽：好呀！你幫我攞實啲衫，等我同妹妹換完，一起去追表哥，好吾好。

聰仔：媽咪你睇，妹妹慘啦，佢吾見咗小菇菇，變咗乸型呀？表哥話女人型成日喊無鬼用呀！

媽媽：妹妹係女仔，女仔同男仔吾同，第二時要生BB，所以兩腳之間有個洞，你同妹妹都係咁出世呀！

聰仔：真嘅！女人咁叻架！

媽媽：吾好講啦！快啲去追表哥啦！

聰仔：好呀，妹妹我地快啲追囉！

你在實際生活中，有沒有經歷過類似情況? 可以和大家分享一下嗎？

溫馨提示：

幼兒好奇心強烈，一般都對生殖器官特別好奇，很想探索、研究。兩歲孩子開始了解「性」的存在，他們會好奇地把玩及撫模，更會越加頻密。他們更會跟隨大人進入浴室，甚至會掀起家長的裙子的尷尬行為。所以家長倆一定要找到共識準備好答案，自少利用一些輕鬆時間，如洗澡、游泳時在孩子提出性問題前告訴他們性器官的正確意思，也要說明到達青春期會有甚麼變化，談話時要不怕難堪，簡單清楚而帶平常、溫柔。遇到提問時，慢慢回答，知無不言，不明白部份清楚交代不知道，不單要自少教性知識，更要教導保護自己的性態度。

請繼續瀏覽第二幕變奏版, 然後發帖一起討論。