這是四幕劇第二幕的變奏版, 未觀看原版的版友,請先瀏覽 ” 禮貎： 前言及互動劇場”。
角色交換：
麗恩：頭先真係好驚險，我頭先推開左3個婆婆、4個公公、2個大隻佬同埋5個師奶先至霸到呢兩個位啊！
爸爸：麗恩，咁樣推開人霸位，爸爸真係唔開心呀，如果你由後面推開人，尤其是婆婆同公公，可能會令佢地跌親受傷，好危險o架！爸爸好驚呀！而且見到真正有需要坐o既人，例如公公婆婆、孕婦，同埋攞住重野或者抱住BB o既人，記得要讓座俾佢地。咁先係有公德心同禮貎o既小朋友呀！
麗恩：咁我記住以後要讓位俾人…… 唔推開人呀．．．．但有時我好趕時間，前面d人又行得慢，佢地會阻住我o架！
爸爸：如果你真係好趕時間，想 “爬頭“，千祈唔好由後面推開人，可以同佢講”唔該借過“，等對方讓開俾你過，之後要講”唔該”。咁樣就既有禮貎，又安全。
麗恩：哦，咁我下次一定咁做啦！
爸爸：咁就係爸爸最鍾意，有公德心同禮貎o既小朋友啦！
你在實際生活中，有沒有經歷過類似情況? 可以和大家分享一下嗎？
溫 馨 提 示
父母樹立榜樣
父母的身教，對孩子有莫大影響，因此大人也應檢視自己的待人接物和禮貎，例如有否主動與人打招呼，有否說「謝謝」或者「對不起」，與人對話時有否面帶笑容等。只要父母有禮貎，相信孩子也會彬彬有禮。另一方面，若孩子做錯了事，例如從後面推撞別人，父母最好可以清楚說明為甚麼不可以這樣做，與孩子說道理，讓他們清楚自己做錯了甚麼事和原因，勝於只是一味禁止或者打罵。
請繼續瀏覽第三幕變奏版, 然後發帖一起討論。
