這是四幕劇第三幕的變奏版, 未觀看原版的版友,請先瀏覽 ” 禮貎： 前言及互動劇場”。
角色交換
麗恩：(發覺碰跌別人的東西，轉頭望他，一邊看一邊偷笑)爸爸，你睇下佢….
爸爸：(立即替別人拾起東西) 真係唔好意思！我個女撞到你。
乘客：(微笑) 唔緊要。
爸爸：麗恩，你頭先撞親姨姨，要講「對唔住」喎，同埋應該幫對方執番起啲野喎。爸爸喜歡識得講「對唔住」o既女o架！
麗恩：噢…. 對唔住姨姨。
乘客：乖。Bye bye (行開)
爸爸：爸爸好開心呀！
麗恩：頭先個姨姨件衫好老土，成隻香蕉咁樣！
爸爸：麗恩，咁樣批評人地o既衣著，爸爸就唔開心呀！無論喺人地面前或者背後，都唔可以咁樣話人o架。你試諗下，如果有人一樣咁話你，你開唔開心呀？
麗恩：唔開心….
爸爸：所以我地要尊重人，唔可以咁樣話人o架。
麗恩：係，爸爸。
爸爸：爸爸最喜歡咁o既女啦！
你在實際生活中，有沒有經歷過類似情況? 可以和大家分享一下嗎？
溫 馨 提 示
避免負面說話和判語
有時孩子會做出失禮行為，令父母感到尷尬，但千萬不要因此減少帶他們外出，否則只會減少他們的練習面對別人的機會；也不要說孩子「天生係咁，冇得改」之類的負面說話，避免孩子以為這是不能改變的限制，成為了成長和改變的障礙。
請繼續瀏覽第四幕變奏版, 然後發帖一起討論。
